Vorvindar

Þegar vorsólin leikur um vanga á mér, sungum við skátarnir í Hraunbúum ég man ekki hvort það voru Tyrkja-Guddurnar eða Apaplánetan það skiptir heldur ekki öllu máli.  Þetta lag söng í höfðinu á mér í dag þegar við Ólöf skólasystir hjóluðum hér um nærsveitir í sól og 13 stiga hita.  Vorvindar glaðir glettnir og hraðir átti líka vel við, ég held næstum að hér sé alltaf vindur, hafgola er milt orð yfir blásturinn í dag.

Frá kl 9-3 sat ég við vefinn og dró í haföld og svo aftur frá kl6-9.  Ágætt dagsverk það, nú á ég bara lítið eftir klára vonandi fyrir kaffi í fyrramálið. 

Á morgun ætla ég að fara með henni Mariönnu saumakennara inn í Viborg og heimsækja þar krakka sem eru á leið í skólaferðalag til Íslands í haust.  Ég ætla að sýna þeim mynd frá Íslandi og svara spurningum á eftir það verður fróðlegt að vita hvort ég klára það sæmilega!!

Athugasemdir

[Elín Ásbjarnardóttir 14.3.2007 kl. 12:26]

Apaplánetan mamma hahaha þvílík nöfn sem þið funduð uppá!!

-Elín