Hendes Verden nr 12

Hendes verden nr 12 er komið út með greinarkorni um monogrammer, þ.e. fangamörk.  Þar er mynd af mínu verki frá í haust og ég nafngreind en auðvitað hefði verið sanngjarnt að taka svolítið viðtal við mann um hugmyndavinnuna, en það kemur kannski næst.  Það er nú samt dálítið gaman að þessu.

Ég er loksins byrjuð að vefa, það er með ólíkindum hvað undirbúningsvinnan er flókin og erfið.  Nú eru loksins allir þræðir á sínum stað og komnir 12 cm af þessum 328 cm sem stefnt er að!!  Það er heilmikil líkamsrækt að vefa svona breiðan dúk, held næstum að allir vöðvar í líkamanum séu að störfum.

Á þriðjudaginn fór til Viborgar með henni Mariönnu saumakennara til fundar við unglingastigið í Friskolen.  Þau ætla nefnilega að fara í skólaferðalag til Íslands í haust.  Ég gerði heiðarlega tilraun til að sýna mynd um Ísland en það voru engar gardínur svo að þetta voru bara skuggamyndir sem sagt bara mislukkað.  Þetta er glænýr skóli með skjávarpa í hverri stofu en gardínurnar gleymdust.  Þau áttu heldur ekki almennilegt kort af Íslandi svo ekki var hægt að hafa gagn af því.  Ég kom sjálfri mér á óvart sá að ég hef engu gleymt og meira að segja á dönsku!!!  Ég spjallaði við krakkana og svaraði spurningum, spjallaði um tengsl þjóðanna, tungumálið og fleira, var áður en ég vissi komin með krít í hönd og farin að kenna íslenska stafi.  Þetta var bara gaman þó að myndasýningin hafi verið glötuð. 

Við áttum að vera í farvelære síðustu tvo daga en á fyrsta klukkutímanum kom í ljós að námsefnið var nákvæmlega það sama og í haust svo ég ákvað að berjast frekar við vefinn og gerði það.  Hinar námsmeyjarnar frá í haust voru líka frekar fúlar yfir þessu og entust mislengi, gufuðu misfljótt upp!!  Þetta er nokkuð sem skólastýrurnar þurfa að ath betur í framtíðinni

Hér hefur verið bálhvasst í nótt og dag og er víst spáð slyddu svo ekki var vorið alveg komið!                    Í kvöld er Matador og svo Barnaby á Dr 1 fastir liðir eins og venjulega.  Bestu kveðjur.

Athugasemdir

[Ása Björk Snorradóttir 18.3.2007 kl. 17:55]

Heil og sæl! 'Ósköp er langt á milli blogga! Maður bíður spenntur en þú ert bara að rekja í vef og dúllast Svo er bara að halda áfram að vefa þegar heim er komið svo borð vinkvenna(les mitt) verði sem glæsilegust með heimaofnu!!!!kveðja Ása Björk

ps jú ég skal viðurkenna að ég öfunda konu sem vefur

[Anna Birna Einarsdottir 19.3.2007 kl. 18:11]

hej jeg kiggede lige forbi, i en af mine reserce på håndarbejde sider  har du nok glemt mig? Jeg savner dig helt vild søde  men du har sikkert travlt med din væv, ikke?

Nu inviterer vi her på H.C. Andersenvej 48 ( på en dansk måde),  dig til en uformel spisting sammen med os aberne. Hvis du har heldig, får du måske lidt hvidvin med maden( som sjovt nok er det du gav mig) så du bliver nød til at pakke ned i et lille kuffurt, lige som mary poppens, og overnatte  

p.s. Vi har ikke udlænske kæledyr længere !

knus*

Abe og Co

[Ragnheiður 21.3.2007 kl. 19:23]

Úh mamma bara komin í blöðin í Danmörku og allt... Hlakka til að sjá þig 30.! Hvenær kemuru með lestinni? Ætla að reyna að koma og sækja þig! Knús Ragnheiður