Áleiðis heim

Allt fínt að frétta héðan sólin hefur skinið alla vikuna og hitinn verið uppí 15 gráður.  Ég er ekki hissa að fólk vilji búa hérna.  Hef verið í fatasaum þessa viku, kláraði 2 blússur, byrjaði á annarri í haust þegar enn var hlýtt.  Er svo með áætlanir um léttan jakka og peysu fyrir næsta haust.  Í dag var endurtekið efni þ.e. listasaga alveg sú sama og í haust, ég hafði því frjálsar hendur og sat við útsaum. 

Á morgun fer ég svo af stað til Kaupmannahafnar og heim á sunnudag.  Það er alltaf gaman að koma til Köben og við Ragnheiður ætlum til Dragör og skoða gömlu húsin þar.  Svo verður bara yndislegt að koma heim á Skerið í páskafrí.

Hlakka til að sjá ykkur bestu kveðjur.