Gleðilegt sumar

Sumardagurinn fyrsti í dag og í tilefni dagsins hefur verið rok og rigning, held reyndar að hann sé að rífa af sér en það er enn bálhvasst.  Ég hef alltaf haldið uppá sumardaginn fyrsta, skemmtilegur íslenskur siður sem við ættum að halda í.  Hef verið að velta fyrir mér í dag hvort siðurinn er alveg sér íslenskur eða hvort menn hafi líka fagnað sumri á hinum Norðurlöndunum.  Ég sagði frá þessari venju í morgunandaktinni og gat ekki heyrt að neinn kannaðist við hana.

Ég hef setið við og saumað út í dúkinn minn í dag.  Afraksturinn er eitt blað á blómi, kæmi ekki á óvart að í því væru nokkur þúsund spor, en mikið er þetta gaman!  Ég kláraði jakkann minn í gær svo að á morgun ætla ég að byrja á nokkurskonar flíspeysu nema hún er úr ull.  Svo er auðvitað vefurinn, mér telst til að ég hafi ofið rúman metra af þessum 327 cm

Sumarkveðjur 

Athugasemdir

[María Axfjörð 20.4.2007 kl. 12:20]

Gleðilegt sumar Sigga mín!

Sendi sumarkveðju úr vorblíðunni, er á meðan er, enda er íslenska veðurfarið samt við sig, hundleiðinlegt hríðarveður var á miðvikudaginn, gott í gær og dag og svo á víst að versna aftur um helgina !

Kærar kveðjur

Maja Ax 

[Elín Ásbjarnar 23.4.2007 kl. 18:54]

Hæ mamma mín!
Hvað heldur þú að litla prinsessan eigi að heita?
Fróðlegt að sjá hvað kemur út úr því!! :)

Sumarkveðja úr kuldanum!