Þyrnirós

Sunnudagur næstum liðinn, dásamlegt veður líka í dag.  Einhver hafði eftir veðurfræðingi að þetta væri heitasti sept í manna minni!  Ég var alveg búin á því í gær þegar ég sá að hjólið var aftur vindlaust að framan, ég sótti það úr viðgerð á miðvikudagskvöld.  Þá sagði viðgerðarmaðurinn að ég hefði fengið þyrni upp í dekkið og hann gert 5 göt á slönguna, ég var svo græn að ég hélt að hann hefði tekið þyrninn úr alveg óbeðinn.  Maður skólasystur minnar kom hér við í dag( sá sem hjálpaði mér um daginn ) og eftir að hafa pumpað og hlustað og strokið dekkinu, fann hann þyrni sem var fastur í dekkinu.  Hann dró þyrninn út og bætti fyrir mig dekkið, svo nú vona ég að þyrniraunum mínum sé lokið. 

Í morgun sat ég í rólegheitum og hlustaði á rás 2 og Gest Einar í tölvunni á meðan ég saumaði blússuna mína, bara næstum eins og heima!

Ég fékk líka dönskutíma hjá einni skólasysturinni, las fyrir hana upphátt og hún leiðbeindi mér með framburðinn, ekki veitir af.

Í gær var ég í modelteikningu og ég verð að segja að aðrir eru betri í henni en ég, kannski kemur þetta með æfingunni.

Athugasemdir

[Hjörtur 24.9.2006 kl. 22:28]

Halló, það er ekkert annað hjólaðiru inní runna eða hvað?
Allt gott að frétta að heiman, bið að heilsa :)
Kv. Hjörtur